د بهرنیو چارو وزارت د ستراتیژیکو مطالعاتو مرکز د خپل علمي– څېړنیز ژورنال ۶۷مه ګڼه «د بهرني سیاست او نړیوالو اړیکو اړوند عمومي مقالو» ته ځانګړې کړې ده. په دې توګه، د بهرني سیاست او نړیوالو اړیکو د حوزې څېړونکو ته په درنښت بلنه ورکوو، چې د خپلو مقالو لنډيز (د مسئلې بیان، اصلي پوښتنه، د څېړنې تګلاره او د مقالې جوړښت) د لړم تر ۱۵ مخکې (css@mfa.gov.af) برېښناليک ته راولېږي.
ځینې عمومي محورونه:
- د اسلامي امارت د بهرني سیاست اړوند نوي موضوعات؛
- په نویو نړیوالو تحولاتو کې د سیمهییزو او نړیوالو سازمانونو رول او ځای؛
- د سیمې او نړۍ په کچه د ځواک تحولات: پایلې او اغېزې؛
- زبرځواک هېوادونه او جیوستراتیژیکې سیالۍ؛
- اقتصاد، انرژي او د سیمهییزې پراختیا پیوندونه؛
- نرمه دیپلوماسي او کلتوري – تمدني تعاملات.
د مقالو معیارونه:
۱- مقاله باید نورو نشریو ته د خپرولو لپاره نه وي لېږل شوې.
۲- مقاله باید له ادبي غلا څخه پاکه په علمي څېړندود لیکل شوې وي او لنډیز، کلیدي کلمې، سریزه، بحث، پایله، او د (APA) سټایل مطابق سرچینې ولري.
۳- د مقالو حجم باید لږترلږه ۵۰۰۰ او زیات نه زیات ۱۰۰۰۰ کلمې وي.
یادونه: د ستراتیژیکو مطالعاتو ژورنال د لوړو زدهکړو له محترم وزارت څخه د رسمي جواز په ترلاسه کولو سره د علمي – څېړنیز ژورنال په توګه ثبت شوی او ټول لیکوالان یې له معنوي امتیازاتو ګټه اخیستلی شي.
د مقالو منلو وروستۍ نېټه: د ۱۴۰۴ د لیندۍ ۱۰مه
د نورو معلوماتو لپاره له (۰۲۰۲۱۰۳۶۷۴) شمېرې سره اړیکه ونیسئ.